CIENCIAS NATURAIS MÉRCORES 10 DE XUÑO

Moi bo día!

Hoxe farás un repaso das últimas propostas de NATURAIS, comprobarás que estás ao día e repasarás todos os contidos para facer o cuestionario que enlazamos abaixo. Comezamos!!

PROPOSTA DO 6 DE MAIO

Ademais de comezar o experimento de xerminación dunha semente enlazamos información importante que é importante que repases:

• Vídeo sobre o REINO DAS PLANTAS.
• Vídeo sobre a FOTOSÍNTESE.
• Páxina 71 do libro: AS PLANTAS CON FLORES.

PROPOSTA DO 13 DE MAIO

Este día enlazamos información sobre:

• Ficha para repasar as PARTES DUNHA PLANTA.
• De novo A FOTOSÍNTESE cun vídeo e un enlace á páxina 51 do teu libro.
• PARTES DUNHA FOLLA.

Comproba neste enlace se tes entregada a tarefa fundamental do 13 de maio, tratábase da recollida e clasificación de 3 follas, a explicación e a táboa de observación están na PROPOSTA DO DÍA 13.

PROPOSTA DO 20 DE MAIO

Nesta entrada tiñas dúas tarefas fundamentais:

• Cuestionario sobre as partes da planta: QUE COMEMOS? Se non o fixeches aínda está aberto para que o completes.
• Elaboración dunha FICHA DE CULTIVO, comproba neste enlace se está correctamente entregada.

PROPOSTA DO 27 DE MAIO

Este día lanzamos información o Parque Natural do Carreirón e a súa flora máis significativa, tanto plantas autóctonas como invasoras. 

A tarefa de identificación de plantas lembra que era VOLUNTARIA, se queres facela aínda estás a tempo para que a publiquemos.

PROPOSTA DO MÉRCORES 3 DE XUÑO

Nesta día enlazamos de novo o vídeo sobre a FOTOSÍNTESE e  pedimos dúas tarefas fundamentais:

• Esquema sobre o proceso da FOTOSÍNTESE. Comproba que a túa tarefa está correctamente entregada.
• Plantar frutais para absorber CO2, comproba que o teu xerminado está entregado correctamente neste enlace.

Agora que repasaches toda a información que lanzamos e que comprobaches que tes entregadas todas as tarefas fundamentais estarás list@ para facer o cuestionario. Lembra que soamente o tes que facer unha vez e se queres recibir unha copia das túas respostas tes que escribir a túa dirección de email, NON A NOSA!

Preme na imaxe para entrar e cando remates non esquezas pulsar ENVIAR.

Adiante!! Tedes ata o venres 12 para comprobar que estades ao día, repasar e facer o test. Se che falta algunha das tarefas fundamentais por enviar xa sabes que tes que mandalas a sextotorreilla2020@gmail.com.

XA ESTAMOS REMATANDO, ÚLTIMO ESFORZO RAPAZADA!!!