CAPITÁN PLANETA 6º: CIENCIAS NATURAIS MÉRCORES 6 DE MAIO

3, 2, 1... MEDRAMOS!!

Mira este vídeo no que verás como xermina unha semente de faba ata transformarse en planta:

O que che propoñemos hoxe é que experimentes un proceso similar cunha semente de faba, recomendamos a faba ou xudía porque teñen un bo tamaño e será mellor para apreciar os cambios que suceden na xerminación e desenvolvemento ata transformarse en planta.

Isto é o que sucederá coa túa semente:

XERMINACIÓN DUNHA SEMENTE

QUE PRECISAS?

Varias sementes de xudía ou faba.
Algodón.
Un tarro ou vaso de cristal.
Auga.
Táboa de observación.

PROCEDEMENTO DA EXPERIENCIA:

1º "Fai a cama para a semente" cubrindo o fondo do vaso con algodón, máis ou menos que suba 2 dedos.

2º Humedecemos o algodón, pero non o encharcamos, se o facemos cunha culler pequena ou cun pulverizador será máis sinxelo controlar a cantidade e non pasarnos.

3º Coloca unha semente sobre o algodón.

4º Cubre a semente cunha pequena capa de algodón que tamén mollarás.

5º Coloca o recipiente nun lugar luminoso e gardado do frío.

6º Cada día terás que comprobar que o algodón mantén a humidade pero OllO, controla a cantidade para non encharcar.

7º Cada 3 días terás que facer unha observación de cambios e cubrir a túa táboa. Aquí tes un modelo de táboa e unha guía para cubrir esa táboa.

TÁBOA DE OBSERVACIÓN DA 1ª SEMANA GUÍA PARA CUBRIR A TÁBOA

Cada mércores enviarás por mail unha foto da túa semente para que vexamos como está a medrar, tamén enviarás a táboa de observación semanal, esta é a táboa de observación desta 1ª semana. O vindeiro mércores publicaremos a táboa da 2ª semana.

Hoxe soamente tes que mandar a foto do teu vaso preparado listo para empezar o proceso, o próximo mércores enviarás a foto dese día e a táboa de observación que comezarás a cubrir hoxe.

Para rematar vas a informarte sobre o reino das plantas, a fotosíntese e as plantas con flores:

O REINO DAS PLANTAS