CAPITÁN PLANETA 6º: NATURAIS MÉRCORES 3 DE XUÑO

Moi bo día!

Hoxe en NATURAIS, enlazando coa experiencia de xerminación imos a entender como é posible que as nosas plantiñas de faba medren, iso é grazas á función de nutrición.

Sabías que as plantas elaboran o seu propio alimento? E que son indispensables para limpar o aire que respiramos?

Mira este vídeo con moita atención:

Agora colle papel e segue este paso a paso:

1º Encabeza a túa tarefa co título: A FOTOSÍNTESE.

2º Contesta esta pregunta: Que é a fotosíntese?

3º Durante o día os 5 elementos indispensables para a nutrición das plantas son: a auga, a luz solar, as sales minerais, o dióxido de carbono e a clorofila. Elabora o debuxo dunha planta e etiqueta estes 5 elementos nela, onde están ou por onde se introducirían na planta. Lembra tamén que durante o día as plantas despois de absorber dióxido de carbono expulsa osíxeno. Podes inspirarte neste exemplo.

4º Explica a diferenza entra savia bruta e savia elaborada.

5º Revisa a ortografía, a expresión e a presentación.

6º Faille unha foto ao traballo e envía. Se o fas en word envía o documento (lembra que sempre é mellor gardalo como PDF).

Para rematar por hoxe imos a continuar cos xerminados, pero neste caso farémolo con sementes de frutais, abre a web que enlazamos abaixo, le con atención e escolle entre todas as opcións que explican nos vídeos. Cando comeces o proceso saca unha foto e envíanola.

OllO, o ritmo de xerminado será máis lento que o das fabas. Paciencia!

SALVEMOS O PLANETA: plantar frutais para absorber CO2